Ég er að hugsa um að skella mér í bíó á myndina Stolz und Vorurteil, en það er nýja útgáfan af Pride & Prejudice (Hroki og hleypidómar e. Jane Austen) með Keiru Knightley og Matthew MacFadyen í aðalhlutverkum. Vona að þetta sé ekki alveg ómögulegt á þýsku en enn heitar vona ég að þetta sé ekki orðið að einhverri sykursætri vellu. Er samt ekki að gera mér neinar vonir og stórefast um að þessi mynd hafi tærnar þar sem gömlu þættirnir hafa hælana. Og nýja músíkin (hægt að hlusta á síðunni) á ekki séns í gömlu. Og MacFadyen á örugglega ekki minnsta séns í Firth.
posted by Herdís Anna at 20:03
4 Comments:
Ég hef leyft mér að vera bjartsýnni. Ég hef trölla trú á Keiru og félögum... og svo er það bara þannig, ðe Brittis kántrísæd is absalútlí maveless, splendid indíd og rómansarnir sem þar eiga sér stað standa fyrir sínu. Ég er búinn að plana ferð sömuleiðis.
Jæja, ég get sagt þér að ég varð ekkert f. vonbrigðum (þess vegna gerði ég mér ekki vonir skan).
En þetta jafnast engan veginn á við gamla dótið (ég er náttúrulega algjör sökker f. þessum gömlu þáttum), og því miður þá fíla ég Keiru engan veginn! Hún var eiginlega bara mjög slök Lizzy (gerði ekkert nema vera sæt og falleg)! En MacFadyen tókst að fá mig á sitt band (í senunni þar sem hann biður hennar)! Þó hann sé enginn Colin auðvitað. Og mér finnast allir karakterarnir betri í gömlu útgáfunni (Mr. Collins t.d. og pabbinn, Charlotte, Kitty, Mary og Lydia...) nema þá helst Jane - loksins falleg Jane ehemm...
En já, myndin er nú alveg skemmtileg og góð útaf fyrir sig, en ég bara gat ekki annað en verið sífellt að bera hana saman við hitt dótið. Svo hún átti nú eiginlega ekki séns. Já, svo vantar alveg alla bresku kurteisina og fágunina ef þú skilur mig, sem er svo yndislega falleg og hallærisleg.
Vá ég hefði kannski bara átt að skrifa sér færslu um þetta...
Jæja jæja, ég hlakka samt til að fara. Skil samt hvað þú ert að meina og þannig.
Hjúkket. Þú ert nú líka bara svo fullur skilnings Greipur minn.
Skrifa ummæli
<< Home