And I just love your jazzy ways...

Jeminn eini

2005-11-28T23:14:00.000+01:00

Haldiði að hún Birna skvísa sé ekki búin að kitla mig? Ég var hreinlega farin að halda að ég slyppi við þetta. En ég geri þetta með glöðu geði því mér finnst þetta svo sem ekkert leiðinlegt (eins og flestum), þetta er svona soldið eins og að ráða krossgátu eða eitthvað, gera þraut... um sjálfan sig...
Einhverra hluta vegna fannst mér erfiðast að finna sjö hluti sem ég get - hvað á það að þýða eiginlega?! En hér kemur smá listi, reyndar ekki svo vandlega gerður, kannski breyti ég einhverju eftirá....

Sjö hlutir sem ég ætla að gera áður en ég dey:

leika Maríu í Söngvaseið/Sögu úr Vesturbænum
fara til Kína
fara í geimferð
lesa 1001 nótt
læra ítölsku, færeysku, þýsku (betur), frönsku og kínversku
semja fallega músík
eignast krakka

Sjö hlutir sem ég get:

sungið mjög hátt
dansað tja tja tja og djæv (og ekki bara það)
rappað allt Lodi Dodi með Snoop
hangið endalaust í tölvunni (ekkert sniðugt...)
skíðað mjög hratt (sjúbb sjúbb!)
verið mjög sæt og skemmtileg
verið mjög löt og leiðinleg

Sjö hlutir sem ég get ekki:

sleikt á mér nefið
farið að sofa á skikkanlegum tíma
lesið nótur nógu hratt þegar ég spila á píanó
ákveðið mig
farið í handahlaup
komist yfir hvað Björk er brilliant
skrollað errinu aftur í koki

Sjö hlutir sem heilla mig við hitt kynið:

hendur
að ganga uppréttur og bera sig vel
heiðarleiki
húmor
ljúfmennska
frumkvæði og uppátækjasemi
danskunnátta (!!!)

Sjö þekktir sem heilla:

Colin Firth
Aragorn (Viggo Mortensen)
Kjarri í SigurRós
Sean Connery
Rolando Villazón
Christopher Plummer
Thomas Quasthoff

Sjö orð/setningar sem ég segi oft

Ich verstehe nicht...
beib
hvað er að frétta?
sjæse bitte vúllehúnd
Keine Anung
sakna þín...
sji****inn maður f*****inn

Sjö hlutir sem ég sé núna

Ferðataska (haha eins og í Stellu!)
fuuullt af snýtubréfum
stjörnukittið góða
fullt af myndum og kortum frá góðum vinum (búin að líma upp á vegg :))
föt föt föt
hulstrið utan af Sissi - Schicksalsjahre einer Königin (dvd)
tvær vatnsflöskur

Afmæli!

2005-11-19T13:28:00.000+01:00

Elsku vinkonan mín hún Þorbjörg Daphne á afmæli í dag!
Ég sendi henni því innilegar hamingjuóskir og saknaðarkveðjur, vona að hún njóti dagsins (í vinnunni, gaman gaman) og skemmti sér rokna vel á árshátíð Ungfóníu í kvöld!
Allir sem hitta Tobbu í dag mega svo smella á hana einum blautum frá mér ;)

:)

2005-11-18T09:09:00.000+01:00

Það snjóar!!!

Framundan

2005-11-17T22:14:00.000+01:00

Núna: horfa á The Sound of Music sem Valdi kaldi lánaði mér
Á morgun: þrífa, borða sushi (ef ég þori) í Frohnburg, skauta og drekka glühwein, Íslendingapartý með ítölsku ívafi
Helgin: Blah, en verður örugglega mjög skemmtileg (fer ekki til Kölnar :( :( :( )
Mánudagur: skóli skóli skóli...
Þriðjudagur: skóli skóli München
Miðvikudagur: ÍTALÍA! daddara....

2005-11-14T11:56:00.000+01:00

Gaman að þessu

2005-11-11T20:03:00.000+01:00

Ég er að hugsa um að skella mér í bíó á myndina Stolz und Vorurteil, en það er nýja útgáfan af Pride & Prejudice (Hroki og hleypidómar e. Jane Austen) með Keiru Knightley og Matthew MacFadyen í aðalhlutverkum. Vona að þetta sé ekki alveg ómögulegt á þýsku en enn heitar vona ég að þetta sé ekki orðið að einhverri sykursætri vellu. Er samt ekki að gera mér neinar vonir og stórefast um að þessi mynd hafi tærnar þar sem gömlu þættirnir hafa hælana. Og nýja músíkin (hægt að hlusta á síðunni) á ekki séns í gömlu. Og MacFadyen á örugglega ekki minnsta séns í Firth.

2005-11-11T17:35:00.000+01:00

Your Sexy Brazilian Name is:

Lorena Fagundes

What's Your Sexy Brazilian Name?

ókei, brynjar, du hast Recht - ég hef ekkert að gera!

2005-11-11T17:25:00.000+01:00

How You Life Your Life

You seem to be straight forward, but you keep a lot inside.
You're laid back and chill, but sometimes you care too much about what others think.
You prefer a variety of friends and tend to change friends quickly.
You tend to always dream of things within reach - and you usually get them.

How Do You Live Your Life?

tja, ég veit nú ekki alveg með vinina samt...?!

færsla næturinnar

2005-11-11T02:10:00.000+01:00

Jíha, það rættist aldeilis úr þessu kvöldi (ég sem ætlaði að sitja hér og horfa á dvd í tölvunni...)!

Skellti mér í þetta allsvakalega hjúkkupartý hér á neðstu hæðinni, nema bara hvað, safnast ekki allir nöllarnir í húsinu að mér...? Eníveis, einn bað mig að skrifa símanúmerið mitt á hendina á sér, ég skrifaði bara á íslensku að hann væri fullur og vitlaus og eitthvað í þeim dúr og hann var ofsalega hamingjusamur með það. Enda sagði ég honum ekki hvað þetta þýddi. Eníveis, endaði með að ég fór bara á rúntinn með tveimur norður í bæ og við fengum okkur besta kebab í heimi og ég kláraði mitt! Aldrei gerst áður... Jáh, bara gegt gan hjá mér!

Almdudler er annars heitasti gosdrykkurinn þessa dagana (austurrískt orð, Alm=fjallakofi skilst mér, en veit ekki hvað dudler þýðir). Bara svona ef þið vilduð vita það. Og haha, kíkið endilega inn á þessa síðu og hlustið á lagið!

færsla dagsins

2005-11-10T20:57:00.000+01:00

Jæja, var að koma heim af mínum fyrstu tónleikum hér í borg saltsins. Ég var sem sagt að syngja á sviði Großes Festspielhaus (þar sem hin íðilfagra Anna Netrebko og næsti Domingo (?) Rolando Villazón trylltu lýðinn í sumar í La traviata), fyrir ríka og fína fólkið (70 evrur miðinn...).
Þetta voru þó ekki sólótónleikar, heldur söng ég ásamt þremur kórum, stórri hljómsveit, framsögumanni og barítón alveg gasalega flott verk eftir Gerhard Wimberger.
Nokkuð fínir tónleikar...þrátt fyrir að hljómsveitarstjórinn, hann Ivor Bolton hafi ruglast! Já elskurnar mínar, hann týndi sér eitt augnablik og allt fór úr skorðum, kórinn inn á vitlausum stað á skjön við barítóninn sem var líka á vitlausum stað og allir á skjön við hljómsveitina sem hélt sínu striki. Þetta var býsna sveitt móment skal ég ykkur segja, en breski hljómsveitarstjórinn kom þessu þó öllu í réttar skorður að lokum.

Nú ætla ég hins vegar að kíkja niður á barinn, þar er eitthvað hjúkkupartý í gangi held ég. Spennó...

Var ég ekki dugleg annars að setja inn linka í þessari færslu? ;)

2005-11-09T23:05:00.000+01:00

Hvernig ætli maður segi "kennaratyggjó" á þýsku?

2005-11-07T22:29:00.000+01:00

Hmmm, getur einhver sagt mér hverjir fleiri eru að taka þátt í óperustúdíóinu e. jól? Ég er ýkt forvitin, veit bara að ég og Abba deilum hlutverki Anninu og ég fékk nóturnar áðan - ýkt spennó! :)

Dresden í stuttu máli:

2005-11-07T00:03:00.000+01:00

Föstudagur:
Komin til Dresden seinni part dags - pöbbarölt í Neustadt með góðu fólki - mikið gaman, mikið grín - gist frítt á Hilton

Laugardagur:
Túristadagur með Kjartani - Frauenkirche og Zwinger og gamlar nýbyggingar - brynju- og sverðasafn - hangs baksviðs - syfja - stórkostlegir tónleikar - magnaðir tónleikar - Amína æðisleg - stórkostlegir tónleikar - Sigurrós bara géðveik - stórkostlegir tónleikar - upplifun dauðans, missa andann, tár í augun - aftershow í búningsherbergi - AHA! - Þjóðverjar að spila rokkabillí músík í anddyri Kulturpalast - hoppistuð - diskótek í molli - Hildur ógnar hóru - glatað geim - kojari í rútunni - grænt te með eplabragði og gott að borða f. svefninn - gist í grænum kojum f. 5 evrur

Sunnudagur:
Lestarferð - sjóriða

2005-11-04T00:33:00.000+01:00

I kvold:
München - thriggja retta maltid hja Onnu - heitt bad med rjoma og olifuoliu - is og notalegheit

A morgun:
Long lestarferd til Dresden - djamm med Kjartani og co.

A laugardaginn:
Sigurros i Kulturpalast i Dresden

2005-11-01T23:34:00.000+01:00

Það eru engir lendingarpallar í klósettunum heima hjá Önnu frænku í München.

Meira síðar.

2005-10-27T00:34:00.000+02:00

Er i München. Lifid er gott. Thad er ekki haegt ad hringja i mig, en thad er haegt ad senda sms. Thad raettist ur afmaelisdeginum. Her er gott ad vera. Er buin ad fara i sundlaugina hennar Onnu. Tomas thad hefdi verid gaman ad hafa thig med i sundfjor. En thad er erfitt ad fara i handahlaup i vatni. Fekk gott ad borda og besta dessert ever. Mmmmm :)
Bis später!

Áfram stelpur!

2005-10-24T23:31:00.000+02:00

Hehe, mamma hringdi í mig rétt áðan og það er greinilega enn heilmikilstemning heima á Ísafirði! Getur einhver lesið hvað stendur á kröfuspjaldinu hennar?

Góða skemmtun góðu konur og til hammó með daginn!!!

2005-10-24T16:50:00.000+02:00

Ég er loks búin að setja myndir úr heimsókn GGOGGO á netiið, smelliði bara á Öll albúm hér til hliðar og þá sjáiði þetta. Tek það fram að ég, annað en Gylfi, set bara meira og minna allt inn en er að sjálfsögðu til í að taka hvað sem er út :)

Annars allir út á torg!

Vill einhver gefa mér flotta afmælisgjöf? ;)

2005-10-24T00:05:00.000+02:00

Langar soldið í óperuna næsta sunnudag...?

Annars hef ég verið að skoða hana Önnu Netrebko soldið og fékk um daginn lánaðan þennan disk á Mediathek. Hann inniheldur m.a. alveg "stórkostleg" tónlistarmyndbönd við nokkrar þekktar óperuaríur, t.d. Gimsteinaaríuna úr Faust og söng Rúsölku til mánans. Já, ég get eiginlega ekki sagt meira, bara tékkið á þessu...!

Held að mig vanti fylgdarmann.

2005-10-23T14:31:00.000+02:00

Ég skil ekkert hvað er í gangi með mig hérna? Ég virðist soga að mér eintóma hallærisgæja og nörda - og gamla karla!!!
Nú í morgun varð á vegi mínum fullorðinn indverji (með vefjarhött og grátt í skegginu) sem vildi endilega bjóða mér á kaffihús. Ég mætti honum á fáförnum vegi á leið úr kirkju og honum fannst ég svo falleg, vildi vita hvort ég væri ein og... Blah! Já nei nei...

Annars vil ég bara biðja ykkur kæru vinir að misskilja ekki síðustu færslu, þó ég sé bara að tala um hana Þórunni mína, þýðir það ekki að mér þyki ekki vænt um ykkur líka! Elsku Brynjar, Greipur, Laufey, Tobba, Ásta,... hvað á ég að telja marga upp? Ég er bara svo rík að eiga heilan helling af góðu fólki allt í kringum mig, og mér þykir ofsalega vænt um ykkur öll! :)

sjúguppínefið!

2005-10-21T21:40:00.000+02:00

Ég var að koma heim úr erfiðustu strætóferð sem sögur fara af (í mínu lífi allavega...). Ég þurfti að taka strætó úr ZiB niður í miðbæ, bíða þar í tíu mín og taka annan heim en nema bara hvað, ég svoleiðis hágrét alla leiðina með tilheyrandi grettum og ekkasogum. Og nú sit ég hér, rauðeyg og grátbólgin og reyni að lækna sárin með kexi og ostum...

Þetta er fyrsta skiptið sem ég finn f. einhvers konar heimþrá. En í raun langar mig ekkert heim. Mig langar bara að vera með Þórunni minni. Eftir hálftíma stígur hún á svið Íslensku óperunnar (ekki í fyrsta skipti reyndar) og frumsýnir Tökin hert e. Benjamin Britten. Og ég er að missa af því (tár tár tár)...

Veit þetta hljómar eigingjarnt, en mér finnst ósanngjarnt að í staðinn fyrir að sitja prúðbúin á óþægilegum bekkjum óperunnar þá sit ég hér ein og missi af þessu stóra og örugglega stórkostlega kvöldi heima.
Ég er reyndar kannski að fara í eitthvað partý sem ég veit ekki hvar er einu sinni, en ég er ekki beint spennt f. því, því Emma vinkona kemst ekki og ég þekki ekki marga aðra þar nema Peter, þýska skiptinemann sem mig langar ekki svo mjög að hitta (það er löng saga sem ekki allir fá að heyra...).

Æi. ég er bara svo ógeðslega leið yfir þessu (sko að missa af sýningunni, ekki yfir partýinu) að ég næ því ekki! Einhverjum finnst þetta kannski heldur lítilvægt og ég alger væluskjóða, en hún Þórunn er bara ákveðinn hluti af lífi mínu og í raun hluti af sjálfri mér! Og það er erfitt að vera ekki hjá henni núna....

En annars ég er kannski bara eigingjörn. Og ég má held ég alveg vera það - sérstaklega á hana Þórunni mína (ég á hana sjáiði til). Og ég er ógó afbrýðisöm út í ykkur sem hafið tækifæri til að umgangast hana daglega! Svo afbrýðisöm að ég er næstum því reið.
Enda er Tótulíusinn mesti snillingur á yfirborði jarðar og þó víðar væri leitað.
Og svo er hún bara svo góð stúlka og skýr, og hjartahrein og yndisleg. Og betri vinkonu er ekki hægt að eiga, hún er bara best!

Kæru lesendur, ekki halda að ég sé eitthvað bara fúl og grenjandi (þó auðvitað sé ég það svo sem, bara sakna hennar...), ofar öllu þá samgleðst ég henni Þórunni minni og vona að henni gangi sem allra best í kvöld. Og ég efast ekkert um að hún heilli alla upp úr skónum, ég veit alveg hvaða stjarna skín skærast....

Elsku vinir

2005-10-18T22:58:00.000+02:00

Þið afsakið þessa bloggleti í mér en undanfarið hef ég verið býsna upptekin við aðra hluti en að hanga í fallegu tölvunni minni. Ég var nefnilega svo heppin síðustu helgi að njóta samvista þeirra Greips og Gylfa sem hingað komu í árlega haustferð. Við höfðum það alveg sérstaklega skemmtilegt, borðuðum góðan mat, drukkum góða drykki, lékum leiki, hlógum, gerðum ferðamannalega hluti (eins og að fara upp í Festung Hohensalzburg og The Original Sound of Music Tour...!), borðuðum meira og hlógum og tjah, hvað get ég sagt fleira, áttum saman góðar stundir. Takk fyrir frábæra heimsókn strákar, hún verður lengi í minnum höfð! Myndirnar koma svo (vonandi) innan skamms.

Annars er skólinn að fara á fullt þessa vikuna. Held að stundaskráin mín sé nokkurn veginn komin á hreint (eftir mikið bras) og líst mér bara vel á. Fögin sem ég er skráð í eru eftirfarandi: Gesang, Musikalische Einstudierung (meðleikur), Sprechen ("talkennsla" held ég), Italienisch (skilja allir vonandi!), Atemschulung (eitthvað varðandi öndun og öndunarfæri - aðeins einn fjórði úr einingu!), Gymnastik und Konditionstraining (...), Opernrepertoirekunde (þema: barokk), Schauspiel (leiklist), Kammerchor (erum að æfa "Quaestio aeterna - Deus, Fragen nach Gott" e. Gerhard Wimberger, tónleikar þann 10. nóvember, allir velkomnir) og einkasöngtíma í djassi. Jessöríbob.

Senst gevett gan :o)

2005-10-14T00:00:00.000+02:00

Bambi

Which DISNEY character are you most like?
brought to you by Quizilla

Sniðugir i Austurríki!

2005-10-13T21:59:00.000+02:00

Þegar ég kom hingað til Salz þurfti ég að fylla út svokallaðan Meldezettel hjá Útlendingaeftirlitinu, en þurfa allir þeir að gera sem ætla sér hér að dvelja lengur en í þrjá mánuði. Nú, er ég, út á þennan Meldezettel, komin með frítt bókasafnsskírteini á borgarbókasafninu og get fengið að láni geisladiska, myndbönd og DVD í tvær vikur, nótur og bækur í fjórar vikur - allt endurgjaldslaust!

Hversu mikil snilld er það?

2005-10-12T16:52:00.000+02:00

Held að konan sem vinnur hérna niðri í afgreiðslunni (hér heima hjá mér sko) viti bara ekki neitt. Allavega er hún ekki að segja mér hluti sem ég þarf að vita. Ég þarf einhvern veginn að spyrja um allt og leita allt uppi hérna, eins og uppl. um einfalda hluti líkt og internet, ruslatunnur, æfingaherbergi og þvott. Kannski hef ég átt að fá bréf eða eitthvað með svona grunnupplýsingum - en ég hef allavega ekki fengið neitt svoleiðis og það er ekki mér að kenna!
T.d. var ég að þvo í fyrsta skipti áðan (já, er bara með nóg af fötum með mér sko, hef ekkert þurft að þvo fyrr) og til þess keypti ég einhvern skrítinn lykill hjá konunni í afgreiðslunni um daginn. Ég finn loks þvottavél (sem er ekki í mínu húsi) og fylgi einföldum leiðbeiningum og set lykilinn í e-ja græju og ýti á start. Ekkert gerist. Ég prófa aftur og aftur og svo aðra vél og aldrei gerist neitt. Loks finn ég einhverja stelpu þarna á vappi og spyr - kemur í ljós að maður þarf að borga inn á lykilinn! Fara í einhverja stóra græju í öðru húsi og setja pening inn á... Hvernig í andsk. átti ég að vita þetta!? Afsakið orðbragðið...

Jæja, þetta var pirr dagsins.

Annars er ég alveg ótrúúúlega hamingjusöm og alveg ótrúúúlega glöð þessa dagana. Sérstaklega í dag. :)

Gleði gleði gleði!